Dakizuen bezala, abenduaren 3an Euskararen Nazioarteko eguna ospatzen da. Egun horretan jai denez, ikastolan ospakizuna abenduaren 1era aurreratzea erabaki dugu. Horretarako honako ekitaldia antolatu dugu:
Etxarriko plazan, 11:15ean elkartuko gara betiko euskal kantuak abestera. Gustatuko litzaiguke zuek ere ekitaldi honetan parte hartzea.
Kontutan hartuta eguraldia edonolakoa izan daitekeela, txarra eginez gero, eraikin berriko frontoian ospatuko dugu festa ordu berean.
Animatu eta ea bertan elkar ikusten dugun. Aldi berean, Euskararen Nazioarteko Egunaren inguruan antolatuko diren gainerako ekintzetan parte hartzera ere gonbidatu nahi zaituztegu.
